[aymara] Aymara ulaqaru laphi

[cmarka@xxxxxxxxxxxxxxxxxxxx (Centro Marka)]

Quli masinaka:
Markasa jach'anchañaxa wakisiwa.
Markachirinakaru sumañchkatañaxa wakisirakiwa.
Markanakaxa utt'atawa jisk'a jach'a.
Jach'anchata markanakaxa jisk'a markanakaruxa janikiwa sumapacha uñjkiti.
Jisk'a markanakasti jach'anchata markanakaruxa janirikawi sum uñjkiti.
Ukhama uñjañaxa jakawit qalltatata, jakawi tukusiñkamapunirakiniwa.
Ukhama uñjañaxa sapa markanakana amtataparupuniniwa, lup'iriparu.
Lup'iwinakaxa, amtañanakaxa yatisktanwa kunjamasa.
Utt'ayatawa yatiwinakasxaru.
Mä yatiwixa qalltatawa amtasaru.
Kunti utt'ataki, kunti utjki, amtasaruwa yaqawayi, lup'iwisaruwa katt'ata.
Ukhama uñjañaxa, ukhama yatiñaxa idealismo sutiniwa.
Aymara arunxa sisnawa: lup'iwisaru, lup'iwipxama.
Mayni yatiwisti qalltatawa utjiwinakaru, utt'atawinakaru.
Aka papchaxa utjapuniwa, utjarakipuniniwa, kunjamaruti uñjta, kujamaruti
yatiwaytan.
Amtasaxa, lup'iwisaxa, katuqi kunjamti utt'ataki aka pachaxa.
Ukhama uñjañaxa jiwasatakixa  materialismo sutimpiwa uñt'ata.
Aymara arusanaxa sisnawa: pachpa utjawi, utjawirasaru.
Uka amtawinakaxa payacht'atarakiwa:
sutinakapaxa Jaqita qalltaña, utjawita qallataña
Idealimso jaqita qalltañaxa sañ muniwa mayjt'ayanaxamawa jakawisaxa
Idealismo utjawita qalltañaxa ukhamapuniniwa, janiwa kunsa mayjt'añjamakiti.
Materisalismo utjawisata qallatañaxa sañ munixa kunasa mayjt'askiwa uruta
urutjama, marat marata, wiñaya mayjtiritwa utjawisaxa, utjawixa.
Materialismo jaqita qalltañaxa sañ munixa jiwasanakawa mayjt'aysna
utjawisa, jiwasanakmpiwa mayjt'i kunti utjki.
Aruskipasiñasaxa qalltatañapawa amtawinakasarjamaru.
Taqi jaqiwa munañaparuxa jupjama amtwipxaparuwa.
Jan kikpa amtaninakaruxa makhikiwa katuntasiwayapxi, juchikisiwayapxi.
Ukhama aruskipasiñaxa jamajamakiwa wakiskiti.
Aruskipasipxañanakasaxa wakichatawa sumacht'asiñasataki, ch'amanchasiñasataki.
Yaqha urkama quli masinaka.


_____________________________________________

Lista de discusión Aymara 

http://aymara.org/lista/lista.html
_____________________________________________