logo uta jaqi

Ankilita ch'amak kankañapatatpacha (Angela desde su propia oscuridad).

Aymara aruru jaqukipiri: Román Crespo - Centro Marka
Calle Ignacia Zeballos 2441, Teléfono 380932, Cajón Postal 8134, La Paz, Bolivia. E.mail: cmarka@pino.cbb.entelnet.bo

Janipuniwaw amtaskti kunapachatpachasa axsaririta manqha utaru jak'achaña. Amtawixanja amuyastwa kunjamtixa mä uruxa anatasa pilutampi punku taljtayapjtwa, uñtataxa punkuxa khatati khakhaqtirjamkama. Ukaruxa amuyataxa punku khuxtaruxa jist'antata utaxa jaktasamakiwa laq'a wayra sartasa, kusikusinakana llikallika khatatisa, yanaka maysaru maysaru unxtasa, muyukipasa.

Ukatsti amuyuraktwa kunjamtixa wayra samaxa taqi kuna apthapiwayi jist'anta uta manqhana, phuqantasa, sisantasa; ukhama siti akatjama jist'ata utata punkü jist'arasispaxa jach'anchata jinchunchirixa mistuspawa uyu phuqa, taqi kuna qatatiwayaspa, taqiniru sama llupt'asa.

Janikiwa yatkayati, kunapachkamatixa punku uñjirina wawapaxa k'uti qulla umasa jiwt'awayi Yulanda layku, jist'antata utana utjasipxatapa pä tayka, mä ch'ama laq'a churiptata imillampi, Ankilita sutini. Uka urumpuni, Rusu yuqalla uraqina wist'ikiñkamaxa, waq'aqisa, wararisa, mustjapayituwa kunjamtixa jist'antata utana punkupaxa jist'arasi juk'at juk'ata. Khatatiwayitu wila ch'unt'añkama kuna laykutixa nayatakixa uka utanxa janiwa khitisa utjkanti, ch'usukinwa. Rusu yuqallasti wal t'aqisisa jiwt'awayi arumt'ataru; ukakamawa nayaxa uñjawayta jist'anta uta manqha, amanutjama jist'arata. Ankilita imill wawaxa qunt'ataskanwa qunuña patana, tisuki; pä taykasti mayat mayat Rusu yuqallaru t'a'qisitapa uñch'ukipxana, tatapa jak'ana khititixa mä k'uchuna jachaskana wararisa. Uka jist'antata uta manqhanxa yänanakaxa amuyutakixaxa walja maraninwa, nayrapacha yananäkanwa. Chuyma ch'alljtayitu warkuntata santu phutunaka k'uchu pirqana, kusisita ajanuni, walja t'aqisitata; ukhamaraki warkuntatanwa jisk'a Kiristo kurusaru warkt'ata, wila ch'aqsusa taqi tuqita, ñik'utax ch'ampulli jilatatata, ajsarayitu, ukhamarusa ajtayayitu. Ukhamawa, uyu phuqa, uñjaptwa kunjamtixa Rusu yoqallaxa jiwt'awayi, ukjaruxa suyt'aptwa pulisiya (policía) puriñkama junt'u amaya, junt'u alma, apasiñapkama. Ukakamasti jist'antata uta punkunxa phuqata jist'antawayasitäna, janis khitisa uka utana utjaspa ukhama.

Tutussantunxa (Todos Santos) mamaxa awichampixa uskupxiwa ch'iyar lutu jisk'a misaru, ikiñ utaxana. Lutu paptajaruxa uchapxiwa achachilana phutupa, niya pä tunka mara jiwataparu, suma phiskurata; ukhamaraki uchapxi ispilma nakt'ata, pursilana jisk'a lamanaru. Achachilana phutupaxa qhantatawayi. Awichaxa ucht'arakiwa ch'uwa q'uma uma jisk'a yuruna; ukjaruxa taqpachaniwa risasipjta, nayasti t'ant'a khistuskta. Uka arumanakaxa janikiwa ikiña atkti micha ispilma khanampixa, ukhamarusa ajsartwa unch'ukiña achachilana llakita ajanupa, phutuna lipk'atata, almapasti jachasisa uma umsuwayi jisk'a yuruta. Michasti ch'isch'iwayi, mamaxasti janikiwa amuykiti ajsaraxata, jupasti ikir ikirukiwa uchasi nayaru jan yaqasa.

Wawa p'iqijansti, wawa amayujansti, kunay mana amtanaka amtawiyirita jist'antata uta suma uñjañataki. Yaqha kutisti, ukhamarusa, punkupaxa jist'antantirinwa walja uru; manq'a phayata samanakiwa misturinxa amuyuñataki jaqina utjatapa,amuyt'iritwa utankatapa Ankila imilla, taykanakampi.

Urutjama urutjamaxa, kimsa warminanakan uñanaqapaxa nayatakixa suma uñt'atanwa; uñchukiritwa jupanakan jan amuyt'ata anatasa anatasa punku nayraqatapana. Jupanakana mistutaparuxa, Ankilita imillaxa taykanakan muyukipatawa saririnwa, taypina, wali llaqita uññanaqani, ukhama uñjasawa nayaxa Ankilita imillaruxa munañaru tukta ajsaraxa atipasa. Amuyujarusti ñik'uta p'iqi patxaru llawuta, ch'iyar wilu llawt'ani, k'umt'ata, jathi awriku t'usu aynachkama uchasitapaxa, taykanakana munañaparunwa, kikipa uñjasiñataki. Ankilita imiçllasti mayjanwa, llakintata churi ajanuni.

Kunapachatixa mamäxa amayasi anch sarataxa jist'antata uta uyuruxa, jupaxa qhuruntata sawayitu anatañanaka apthapiña janir arumthakiparu. Nayatakisti ukjaxa Ankilita imilla uñjañatakirinwa, jupaxa misturinwa pä taykampi muyukipata. Ukatawa, nayriri urunakaxa, mamajaru k'ullusirita anat anataña tumpa layku; ukjarusti, thayapachasti, uruta arumt'aruxa, janiwa ukankañjamakanti, janiwa sarañjamakanti. Nayasti jist'anta uta uyuru sarañatakisti kunay mani amtirita, purak usu katurita. Ukhama k'arisisawa, arumt'aruxa misturita. Ukjarusti mistuta uñajayasisasti, laqawa ch'amak k'uchuru imantasiri saririta suyt'añataki Ankilita imilla utapata mistuñkama.

Janikiw amtaskti kunapachatsa yatiwayta Ankilitana chiqa sutipa, janiwa ukakätanati, sutipaxa Ilwira, pä taykasti, maynixa mamapa, maynisti tiyapa. Jupanakaxa sapa uruwa arumtjaru sarapxirina San Francisco Iklisyaru, misa ist'iri. Ukatpachawa, nayax urutjama urutjama juk'ampi jak'achasiwayta, jan p'inqani, jupanakana mistuparu, suma uñjañataki uta manqha. Ukhama amuyt'awiraruxa p'iqijana yatitawa kunanipxansa uka jist'antata utana, ukhama uñt'awayta kawkinkansa manq'aña misaxa, ikiñanaka, phutu lipt'awinaka, jach'a isi imaña quriña, qunuñanaka, yaqhanakampi.

(Tutussantus urunja mamaxawa juk'amp alwatata sartawayi, isthapisisa, lutu misaru jak'achi, yuru aptawayi jan yaqasa kunjamsa umaxa niyä tuksutatäna, ukhamraki apthapiwayi tuksuta ispilma qhillapataru willtañataki. Nayasti amtasktwa achachilajan ajayupa jachatapata. Uyuru mistutasti anukiwa uñch'ukipjitu q'uch'allt'ata nayranakapampi, kunalaykutixa taqpacha arumawa wajasi alma ajayunaka uñjatapata, uta phuqa. Amaya p'ampachaña uyunxa ist'asktwa kalanka kampana chajruta amaya sama panqaranakana jiq'ipampi. Taqi jaqinakana risaparuja jallü sullt'awayi amaya allintata patjaru ch'arant'asa, amuyt'ayasa mayaki alwäta jayp'umpi).

Amtatajatsti, niyawa walja phajsipacha, kunjtmatixa ma uruxa imantata suyt'atawiraru nayrakataruxa jalantanipxi mama Juwana Carlu yuqallana tatapampi, imantasisa, panini. Ukäna, panini qhumantasipxi, jamp'atisipxi, llawksusiwayasa pampachani. Ukhamaruwa Carlu yuqallana tatapana uñjataruxa mayaqi jaltawayta kayus kayupa sasina Ankilitana utapa punkuru, jupasti jalasa arkanitu, pantaluna chint'asisa, katjañkama. Katjawiraruxa mistusipkatanawa kimspach warmi, uka pachawa uñjawayta kunjamtixa Ankilita imillaxa nayaru unch'ukiritäna, ukaruxa janikiwa amtaskti Carlu yuqallana tatapana ch'akupa, jawq'asa, ni qatatiwapasa.

Ukatpachatawa mamaxaxa janiwa mistuyirikiti uyu manqharu, jan wali uñjatata. Nayatakisti sumakinwa, jan yatitapata kunjamsa Ankilita imillata munasirita, ukhamaraki ajsarawixata jist'anta utat manqha uyuta.

Nayaxa janiwa amuykatati kunapachkamasa jist'antata uñjäsi, mamaxaxa janikiwa armirikamanti uka jayp'u uñjatawixata. Amtawiwa yaqha utaru sarxaña, kunalaykutixa p'inqanwa Carlu yuqallana tataparu jak'acaña. Awichasti, nayat mä juk'a arjatirinwa, mamajaruxa iwjawayi llamp'u chuymapampi suyt'aña, ukhamarusa janiwa yaqha tuqinxa uta jikhatañjamakiti juk'a qulqimpi, ukamarusa armaspan kunti yuqallaj uñjkatana uka. Ukhamaruwa mamaxaxa armt'asismachi.

Navidad phistanxa ikiña aynachanxa uskutatanawa jisk'a anataña camyuna, larama kulli samampi samantata. Amtajatakisti nayra jan wali lurawinakaxa armatjamakiwa, mamaxanxa taqi armatjama; ukhamarusa wali kusisitanwa, ukjaruwa nayaxa yant'awayta saraña jist'anta uta uyuru anataña qatatisa. Mamaxasti amuyt'asa saratajaruxa jach'ata arst'asa jawsawayitu, wali kulirata, nayasti ukhama jawsatasti makhikiwa kutt'awayta, ukhamarusa uñjawaytwa Ankilitana punkupa jist'antatata mä jach'a saruntata kantatuni.

Kunapachattï mä uruxa, arumantjiru ist'apxta uyu phuqa wararinaka, Carlus yuqallana tatapä mamaparu p'iqi payaru pachjasa jiwt'ayatapata, ukjarusa mama Juwanasti jacht'atapata katt'asisa chhujrintata ajanu jiwatana luratapata, mamaxaxa chuymachtasiwa nayataki, ukhamaruxa mistuyituwa anatiri sarañataki. Uta mankhana jart'apitastis armayayituwa anatañanaka, janiwa nayrjama anatkiristi, ukhamarusa llakisiyituwa Carlus yuqallä jist'atatapata huspisyu utana kunapachattixa mamapa jiwt'awayi, tatapasti karsilaru mantatapata. Jist'antata uta uyuru sarataja, uka utaxa jist'antatjamakipuninwa, janis khitisa ukana utjaspa. Yaqhip ratuxa mamajaru achikt'aña munirita utajata mistuñataki uka jist'antata uta uñjañataki arumt'aru. Janikiwa atirikti.

(Tutus Santunxa mistuwaytwa jalasa jist'anta uta uyuru uñjiri, punku jist'aratatsti uñjawaytwa ch'iyar lutu misa patjanxa mä nakkiri ispilma Ankilita phutu lantina. Arumjarusti mamaxaxa rist'awayiyitu, ukatxa muxsa t'anta churitu. Janikiwa ikiña atki, kunalaykutixa achachilajan ajayupaxa yuru uma umsuwayi. Ankilitasti k'achat k'achata kuruwa pata manqharu lipt'awayi, uka patata uñch'ukitu arsusisa quña lakampi. Uñjawaytawa juk'ampi churintata, ukhamarusa juk'ampi k'umtata. Qhantatiruxa amutaki jacht'awayi sarjañataki. Mamajasti sarthapiwayi, arumati manq'a qhatiyasaxa, tukuta ispilma turkakiwayi. Awichajasti sarthapiwayi achachilana phutu phiskurannataki q'añunaka qhiturasa.

Amaya p'ampachana uyuru sarataruxa uñjapxtwa anuru ikt'ata, wali q'uch'allt'ata nayranakani, mamajasti sawayiwa alma ajayu uñjañatakixa wakisiwa anu q'uch'alla nayraru llusintasiña. Amaya uyunsti rist'asipxta walpuni, mamajasti sari pä taykaru aruntiri, Ankilitana utapana utjasirinaka, ukjurusti jallu qalltawayi, nayasti uñisisawa uñkattawayta pä taykaru. Ukasti janq'u panqaranaka almaru ucht'apxta. Awichajasti sawayiwa marat martjama chachapana p'ampachiwixa tinkuski. Utaru kutt'atarusti juk'ampi jalluwayi, janikiwa ist'ayapkituti kampana kalankipa. Nayasti rist'asiwayta amuyujana jan wiñayataki taykanakata jiwt'añapataki. Mamaxana punku jist'arataparuxa nayasti ikiskiri anuna q'uch'allanaka apaqta).


MUESTRA DE LIBRETO DE RADIO.

TURKAÑA, TRUKI, ALAÑA-ALJAÑA
El Trueque y el mercado.

Puquyañaxa kunay mani, mark marka. Sapa markawa sayt'ayi irnaqawipi yäna puquyañataki. Yänakaxa aljaña-alaña. Yänakasaxa iraqtata, yaqhanakana yänapaxa irjattata, Ukhamaru sarawayasktan jichhakamasa. Urutjama urutjama yaqhanakana yänapaxa irxati, Yänakasasti iraqti chanipa (precio). Markasanxa janjamakiwa ch'amanchasnati yänanakasana suma chaniniñapataki (precioniñapataki). Ukatakixa yatiñasawa kunjamsa sumanchasinnani.

Jiwasanakaxa kunaymani yänaka puquytan, utt'aytan. Uka puqunakaxa jakañataki, markasa jakayañataki. Nayrapachaxa jiwaasanakaxa puquyayatan pirwantañataki, suma manq'ata utjasiñataki marpacha, marat, mara. Jichhaxa puquyañaxa aljaña-alañataki. Pirwaxa tukuytanwa qullqiru. Marpacha utjasiñatakixa jichhaxa qulqiniñawa. Qulqimpiwa kunasa alkt'asiña. Nayra pirwaxa ch'ust'ata. Janirakiwa imañjamakiti kunsa. Ukata sapxi nayraxa taqi kunasa sumanwa. ¿Ukhamapachati?

Nayrapachaxa markasanakanxa qhatuxa utt'irina marat marata. Uka qhaturuxa sarañanwa kunti yänakasata jilt'atäki apt'asita. Ukarjamaruwa kunti jiwasanakat pisiki ukaru turkasiña. Pata jaqinakaxa turkakasipxirinwa, ch'uñu, kaya, jupha, jayu tunquru, chuquparu, thaxuru. Kunti jilt'ataki ukanakawa apaña turkakasiñataki. Turkakasiñaxa kunti jiltt'ataki ukakinwa. Janiwa uñjañankti qhawqhasa, kawch'asa.

Sañani, turkapxirinwa arruwa ch'uqi pä arruwa tunkuru, kimsa liwra ch'uñu, mä liwrA chuquparu.

Jichhaja puqu, utt'ayata, ukanakaxa, utjañapawa alañataki, aljañataki. Alaña, aljañaxa chanini (precioni). chanixa irxatt'ata, iraqt'ata. Chanixa amtatawa uñjaña irnaqawiru, qulqiru, uraqiru. Ukhamawa utt'ayata chanixa. Ukhamaru alasinnasa, ukhamarurakiwa aljañäsa. Ukhama uskutaxa kunalaykutixa kunti luraskna, kunti irnaqawisata puquski, ukaxa wakichatawa qhatutaki, alxaña, alañataki.

jiwasanakanxa waljaniwa turkakasna manq'añanaka, isi, umaña, kunaymani utjawinaka. Turkasiñasti jiwasantakixa janjamakiwa wakiskiriti. Uñjsnawa kunjamsa mä phuxtu ch'uñu turkasipktan kimsa t'anat'ampi. Chiqasa mä phuxtu ch'uñuxa niyawa qulqiruxa kimsa qulqipacha, t'ant'asti janiwa mäyakisa. Jiwasapachaxa wakisispawa, yaqhanakarusti, katukipanakaruxa aljañaspawa chiqa chaniniru (precio justo).

Jiwasanakaxa yatiñasawa kunjamsa irnaqasi alaña-aljañaxa. Kunatsa yaqha markata yänaka puritaxa iraqt'ata chanipaxa. Kunjamsa lurapxpacha, ukhamaru aljañataki. Ukhamarusa jiwasanakanxa kunatsa juk'ampi iraqt'ata. Ukanakxa yatiñasawa, yatiqañasawa kunjamasa irnaqawinakaxa sarawayi.


kut'aña

DIRECCION CENTRO MARKA

E.mail cmarka@pino.entelnet.bo
Ignacia Zeballos 2441
Tel.: 591 02 380932
Cajón Postal 8134
La Paz, Bolivia

Cuenta de Banco

BANCO SANTA CRUZ, MIAMI AGENCY
801 Brickell Avenue - Suite 1200
Miami, Florida 33131
SWIFT: BSCZUS3M
ABA N° 0660-1397-6 (Es número de ruta)
Para BANCO SANTA CRUZ S.A. SUCURSAL COCHABAMBA
CENTRO MARKA CTA. CTE. N° 3000-1012-00046340
Tel.: 260480 - Cochabamba, Bolivia.

TITULOS Y REFERENCIAS DE TEXTOS EN LENGUA AYMARA

  1. Blanca patiño de Murillo: Jisk'a jaylli wawanakataki (Mini versos para niños) 1995. 16 x 21 cm. 24 pg. 130 palabras
  2. Esopo: Isupu amina (Fábulas de Esopo) 1996. 14x21.5 cm. 48 pag. (33 Fábulas de Esopo traducidas a la lengua aymara) 2000 palabras
  3. Jamusiwi (Adivinanzas) 1996. 14x10.5 cm. 64 pg. (60 Adivinanzas recopiladas en lengua aymara y otras traducidas) 700 palabras
  4. Bernardo Baptista Gumucio: Awtuwus jaqi jiwayiri (El autobus de la muerte, 1993. Cuento) 1996. 10 x 16 cm. 16 pg. 820 palabras
  5. Giacarla de Quiroga: Tunka, ampara luk'ananakjama (Diez, como los dedos de las manos, 1993. Cuento) 1996. 10 x 16 cm. 16 pg. 840 palabras
  6. Roberto Laserna: Martinan llaki jarawipi.(Martina en balada corta, 1975. Cuento) 1,999. 10 x 16 cm. 32 pg. 1,200 palabras
  7. René Bascopé Aspiazu: Ankilita ch'amak kankañapatatpacha (Angela desde su propia oscuridad 1986. Cuento) 2,000. 10 x 16 cm. 24 pg. 1,000 palabras
  8. Umana chhuchhupaxa tataxantatapan arupawa. 2,000. 10 x 16 cm. 24 pg. (Carta ecológica del Jefe Scatle de la tribu Suwamish) 500 palabras.
INDICE DE TEMAS DIVERSOS PARA RADIODIFUSION. (220 PALABRAS Promedio)
  1. Manq'añxata. CH'UQI. LA PAPA.
  2. CH'UQI, CHAPARA QH'UQI. LA PAPA, tesoro de los Andes.
  3. YATIÑA. APRENDER.
  4. POQUYIRI MUNICIPIO. MUNICIPIO PRODUCTIVO. Recursos
  5. PUQUYIRI MUNICIPIO. MUNICIPIO PRODUCTIVO: Agua alcantarill
  6. PUQUYIRI MUNICIPIO. MUNICIPIO PRODUCTIVO. La educación.
  7. KUNJAMASA YATIQAPSNA. COMO APRENDEMOS
  8. KUNATAKISA YATIQAÑA. PARA QUE SE APRENDE.
  9. YANAKXATA. RIQUEZAS Y FUERZAS PRODUCTIVAS
  10. KUNSA YATIQAÑANI. QUE APRENDEMOS.
  11. YATIWISA IRNAQAÑA. APLICACION DE LO APRENDIDO
  12. YATIWIWI. EDUCACIO, CONDUCCION.
  13. UMA. AGUA RECURSOS DE VIDA.
  14. JILATATAÑA JACH'APTAÑA. DESARROLLO.
  15. JAQI JILATATAÑA. TRANSFORMACION PERSONAL.
  16. SINK'A IRNAQAWI. MEDIOS DE TRABAJO.
  17. CH'AMA IRANAQAWI. FUERZA DE TRABAJO.
  18. JAQINA JAKAÑAPATAK WAKISIRINAKA. NECESIDADES BASICAS.
  19. JAQINA JAKAÑAPATAK WAKISIRINAKA (2) NECESIDADES BASICAS SUSTANTIVAS.
  20. QULQIWIWI. ECONOMIA
  21. TURKAÑA, TRUKI, ALAÑA-ALJAÑA. EL TRUEQUE Y EL MERCADO.
  22. UMA. JAKASIÑAPUNITAKI. AGUA. RECURSO DE VIDA.
  23. UMANA URUPA, 22 de Marzo. DIA INTERNACIONAL DEL AGUA
  24. UMÄ JANCHISANA. EL AGUA EN NUESTRO CUERPO
  25. Q'UMACHASIÑA UMA. USOS EXTERNOS DEL AGUA
  26. URAQISA. NUESTRO PLANETA
  27. JAKAWISA CHIJIRUÑA. MEDIO AMBIENTE EN PELIGRO
  28. URAQISANA URUPA. DIA DE LA TIERRA. 22 de Abril.
  29. MANQ'AÑANAKAN URUPA, 16 Octubre. DIA DE LA ALIMENTACION
  30. MANQ'ANAKATA YURIWIPA. ORIGEN DE LOS ALIMENTOS.
Aymar Uta kutiña