Ukatakisti, yatiqañataki, qillqañani arusata: amuyt'awinakasa, yatiyiwinaka, uñjatanakasa, amtawinakasa. Qillqata apayañani masinakasaru, jilanakasaru, kullakanakasaru, phamilyaru; ukhamaraki tantachawinakasan jaqinakaru.
Yatintaña, ukatxa qillqsuñaniwa jakawisxata, lup'iwisxata, yaqhanakampi.

Román Crespo

1. Kun kuns siritasa
   Qhaturuwa sarta
   ch'ujña alasta
   utaru purta
   ch'ujñampi jachañataki
   Kunaspäsa.
   
   Resp
   
   
2. Kun kuns siritasa
   Patana jakasi,
   patana sarnaqi
   p'ita p'itaki
   p'itirixa
   Kunaspäsa
   
   Resp
   
   
3. Kun kun siritasa
   T'arwa apkati
   t'arwa apaqi
   suma apnaqataxa
   suma irnaqañatakiwa
   Kunaspäsa
   
   Resp
   
   
4. Kun kun siritasa
   Amutu
   juykhu
   ukhamarusa
   taqiniruwa uñtasiwayistu
   Kunaspäsa
   
   Resp
   
   
5. Kun kun siritasa
   Luqhiptata tayka
   pisi chuyma tayka
   lakapkipkana
   jiphillani
   Kunaspäsa
   
   Resp
   
   
6. Kun kun siritasa
   Jan lakani, arust'iritwa
   jan kayuni, jaliritwa
   janq'ullt'ata, ch'iyart'ata
   Kunaspäsa
   
   Resp
   
   
7. Kun kun siritasa
   Yunkas uraqina yuriritwa
   quqa patana warkuntata
   suma murukt'ata
   t'arwantata
   Kunaspäsa
   
   Resp
   
   
8. Kun kun siritasa
   Lisusiri
   wali chupintata
   wich'inkapan
   warkt'ata jakasiri
   Kunaspäsa
   
   Resp
   
   
9. Kun kun siritasa
   Jawiraspasa
   qutaspasa
   jan lakani
   parlaskakiwa
   Kunaspäsa
   
   Resp
   
   
10. Kun kun siritasa
    Janiwa jaljatitasmati
    jalaskasmasa qhipaxaxa
    jaljtaña munañamaruxa
    juman qhipaxapuniskawa
    Kunaspäsa
    
    Resp
    
    
11. Kun kun siritasa
    Llusk'a, quta patjama
    jan aruni, amutu,
    mayninakatakixa kusa
    yakhanakatakisti
    pantasipxañapataki
    Kunaspäsa
    
    Resp
    
    
12. Kun kun siritasa
    Kunpinsa sapxi,
    sapa kuti,
    yatiqirinakaxa
    Kunaspäsa
    
    Resp
    
    
13. Kun kun siritasa
    K'usilljamasa, qhananchirjamasa; jan arsusisa,
    ajanuruwa sirita jan walinaka.
    Jiskt'asiriruxa katuqta
    kusalla, suma amuyt'atmpi
    siti qhuruchasisti
    pachpa qhuruchatawa uñkatta.
    Kunaspäsa
    
    
    Resp
    
    
14. Kun kun siritasa
    Ikiñ utata mistusaxa
    phayaña utaru
    mantawayi
    wich'inka unuqisa
    wallpaskaspäsa ukhama.
    Kunaspäsa
    
    
    Resp
    
    
15. Kun kun siritasa
    Qhura taypina yuriri
    qhura taypinakana
    uywasiri
    utanxa thuquntawayi
    wali kusisita
    Kunaspäsa
    
    
    Resp
    
    
16. Kun kun siritasa
    Jist'antata k'ullku uyuna
    janq'urt'ata pallapalla taypina
    chupika larilarjama
    yatita k'arisiña
    Kunaspäsa
    
    
    Resp
    
    
17. Kun kun siritasa
    Awkisa taykasa kirkt'iri
    jila sulkanakasti
    ukhamaraki
    Janq'u utallani
    q'illu chuymani.
    Kunaspäsa
    
    Resp
    
    
18. Kun kun siritasa
    Mariyaxa jutxi,
    mariyaxa sarxi
    muytayata, muytayata
    pachpankaki
    Kunaspäsa
    
    Resp
    
    
19. Kun kun siritasa
    Paypachaniwa
    rumiritura latxatata sarapxi
    Maynixa tunka payani tupu sarawayi
    Maynisti mä tupuki
    Kunaspäsa
    
    
    Resp
    
    
20. Kun kun siritasa
    Lawata kunkani warmi
    suxta ñik'utaniki
    ch'ustata aqu lakani
    kirt'atapasti kusalla.
    Kunaspäsa
    
    Resp
    
    
21. Kun kun siritasa
    Kunjamti uñjapxista
    ukhamakipunitwa
    Nayranisasa
    jan uñjañataki
    juykhukipata.
    Kunaspäsa
    
    
    Resp
    
    
22. Kun kun siritasa
    Axsaririwayawaytwa
    yaqhipkutixa llakisiyañkama.
    Jachayirisa, jiwt'ayirisa
    ch'amakaxana imantasipxi.
    Kunaspäsa
    
    Resp
    
    
23. Kun kun siritasa
    Chhiqani, wich'inkani
    jalt'añatakixa kusalla
    Jan phuyuni, jan chhuruni
    patapat sariri.
    Kunaspäsa
    
    Resp
    
    
24. Kun kun siritasa
    Aqu lakani, jan maq'iri
    sunkhanisasa,
    janiwa chachakiti
    p'iqini, jan amuyt'iri,
    jan parliri, jan uñjiri
    Sutijasti.
    Kunaspäsa
    
    
    Resp
    
    
25. Kun kun siritasa
    Janq'ulla,
    khunu aqarapi samani
    misa pataru uchapxitu
    rijsuñataki
    kunti p'iqina amtataki
    Kunaspäsa
    
    
    Resp
    
    
26. Kun kun siritasa
    Jach'anchata,
    wali jach'anchata,
    laqampu samanchani.
    Alaxpacharu purita
    Alaxpachata saraqataraki.
    Kunaspäsa
    
    
    Resp
    
    
27. Kun kun siritasa
    Sakitasmati
    kunasa purisa katjistu
    katjata jan uñjtanti
    Kunaspäsa
    
    Resp
    
    
28. Kun kun siritasa
    Kunkaru apapxitu,
    ñanqhachasiñjama
    waranqa chacha
    jiwt'ayañataki.
    Kunaspäsa
    
    Resp
    
    
29. Kun kun siritasa
    Suma ist'ata
    pä chachawa sarawayi
    arst'asa, maynita maynita:
    naya nayrt'a,
    naya nayrt'a.
    Kunaspäsa
    
    
    Resp
    
    
30. Kun kun siritasa
    Jumaxa wali ch'ikitawa
    ukhamapanxa, sawayita
    kuna uywasa jaltawayi
    jan phuyunisa.
    Kunaspäsa.
    
    Resp
    
    
31. Kun kun siritasa
    Jumankipanxa thaqata
    jan jumankasasti
    janiraki thaqtati.
    Kunaspäsa
    
    Resp
    
    
32. Kun kun siritasa
    Nayranisasa, jan uñjiri.
    wakichata uraqinpuni
    achuri.
    Kunaspäsa
    
    Resp
    
    
33. Kun kun siritasa
    Thuquñatakixa awayt'asta,
    thuquñaru thuquntasasti
    awayu jaytawaytwa, awayt'ataxa
    janiwa thuquñjamakiti
    Kunaspäsa
    
    Resp
    
    
34. Kun kun siritasa
    Kunaspasa
    alwatäx jach'anchata,
    chika ururu jisk'anchasi,
    jilatataraki jayp'ukipana.
    Kunaspäsa
    
    Resp
    
    
35. Kun kun siritasa
    Kunaraki
    kunaymani uññaqani
    amparampisti
    jan katt'añxama
    Kunaspäsa
    
    Resp
    
    
36. Kun kun siritasa
    Jallupachanxa kachacht'iri
    Thayapachansti junt'uchiri
    Junt'upachansti
    thayarart'awayiri
    juyphipapchansti
    wastata jut'uchawayiri.
    Kunaspäsa
    
    Resp
    
    
37. Kun kun siritasa
    Yuriritaxaxa ch'uxñantata
    Ch'uxñantataraki uywasiri.
    Wañakipansti
    taqinin thaqata, munata.
    Kunaspäsa.
    
    Resp
    
    
38. Kun kun siritasa
    Ch'ujña k'aña lurxama
    qhuru urqu wakxama
    Kunaspäsa
    
    Resp
    
    
39. Kun kun siritasa
    Uta manqhanxa
    llawthapita,
    anqansti jiskhatatata.
    Kunaspäsa
    
    Resp
    
    
40. Kun kun siritasa
    Yuritajaxa ch'uxña,
    jakawixasti wila,
    Jiwañatakisti
    suma k'achacht'ata.
    Kunaspäsa
    
    Resp
    
    
41. Kun kun siritasa
    Yuritaxaxa
    jisk'a, janq'ullt'ata.
    Jakawijasti ch'ujñantata
    Tukuyañatakisti
    quri k'ajani
    Kunaspäsa
    
    Resp
    
    
42. Kun kun siritasa
    Phisqa jilasullka,
    janiwa unch'ukisipxiti;
    qhuruchatasti
    inamayawa apaqañaxa
    Kunaspäsa
    
    Resp
    
    
43. Kun kun siritasa
    Janiwa khitikti
    sapa urusa
    jisk'achasta, jilatatata
    sapaki unxtañaxa
    janiwa wakiskiti
    Kunaspäsa
    
    Resp
    
    
44. Kun kun siritasa
    Jaya sariritwa,
    qalltataruxa
    pusi kayuta,
    chikachicarusti
    pa kayuta,
    tukuyañatakisti kimsa kayuta.
    Kunaspäsa
    
    Resp
    
    
45. Kun kun siritasa
    Qurumisa, qurumisa
    taqinitaki anataña
    juk'am takintataxa
    juk'am laruyi, anatayi.
    Kunaspäsa
    
    Resp
    
    
46. Kun kun siritasa
    Taqi kunatsa
    juk'amp jach'a
    Ukhamasasa
    janiwa uñjañjamakiti
    taqi tuqina uñjata
    juma chikt'ata
    jumaru muyukipata
    taqi tuqita
    Kunaspäsa
    
    Resp
    
    
47. Kun kun siritasa
    Ch'amakt'ata utana
    uñjawayta
    walja kullakanaka
    takinisa janq'ut ist'ata
    mamapasti ch'aranxata
    Kunaspäsa
    
    Resp
    
    
48. Kun kun siritasa
    Taykaxata yuritatwa
    kunjamti siskma
    naya jiwt'ipansti
    taykajaraki yuriwayi.
    Kunaspäsa
    
    Resp
    
    
49. Kun kun siritasa
    Payatpuni kawkirusa sarapxi,
    taqi tuqi uñjasa, mayacht'ata.
    Ukhama mayachat'axa,
    jupanakaxa,
    janiwa uñkatasipxiti
    Kunaspäsa
    
    Resp
    
    
50. Kun kun siritasa
    Uma ch'aqatata
    lupina qhanampi
    yuritatwa
    Kunaspäsa
    
    Resp
    
    
51. Kun kun siritasa
    Jist'antata utana
    waranqa waranqa
    warminakawa
    panqara misk'ichapxi
    Kunaspäsa
    
    Resp
    
    
52. Kun kun siritasa
    Michampixa juma chika
    jan michampisti jaytata
    Axsarpachatamwa;
    inäsa
    Kunaspäsa
    
    Resp
    
    
53. Kun kun siritasa
    Yant'añatakixa jiskhatata
    utansti llawthapita
    wiskhanisti mä yaxa
    uta k'uchuru jaqti.
    Kunaspäsa
    
    Resp
    
    
54. Kun kun siritasa
    Janiwa khitjamakti
    p'iqi waytata sarnaqiri
    P'iqixaxa aynachankiwa
    ukatxa janiwa khitisa unch'ukkituti
    Kunaspäsa
    
    Resp
    
    
55. Kun kun siritasa
    Taqi tuqina utji
    jiskhatatata, thakhxama,
    khuchjama wararisa,
    suchuski.
    Kunaspäsa.
    
    Resp
    
    
56. Kun kun siritasa
    Kunti siskmaxa
    chiqapuniwa
    taqi chuyma sisma
    sarxi, sarxi, sarjapuni,
    ukhamarusa
    amparajanpuniskiwa.
    Kunaspäsa
    
    Resp
    
    
57. Kun kun siritasa
    Aka pachanxa
    janiwa yuriwaykti.
    Alajpacharusa,
    manqhapacharusa
    janirakliwa puririkti,
    Janiwa kawkirusa sarkti.
    Kunaspäsa
    
    Resp
    
    
58. Kun kun siritasa
    Jila pura,
    kikpaki,
    ispanakaruwa
    taqi chuyma llawthapipxi.
    Kunaspäsa.
    
    Resp
    
    
59. Kun kun siritasa
    Juma chikapansti
    thaqhata.
    Jayankipansti
    jan yaqañataki.
    Kunaspäsa.
    
    Resp
    
    
60. Kun kun siritasa
    Kayu khuchuqapxitu.
    P'iqi t'unjapxitu.
    Jakkiri p'ampachapxitu
    jiltañataki.
    Kunaspäsa.
    
    Resp

Jamuña

1. Siwulla (la cebolla)
   
   
2. Kusi kusi (araña)
   
   
3. T'arwa apaqaña (navaja)
   
   
4. Ispiju (espejo)
   
   
5. Qhunquta (guitarra)
   
   
6. Qillqata chaski (la carta)
   
   
7. Kuku (coco)
   
   
8. Wayk'a (ají)
   
   
9. Qillqa jala (telegrama)
   
   
10. Ch'iwi (sombra)
    
    
11. Ispiju (el espejo)
    
    
12. Janiwa yatkti (no sé)
    
    
13. Ispiju (el espejo)
    
    
14. Pichaña (La escoba)
    
    
15. Pichaña (La escoba)
    
    
16. Laxra (la lengua)
    
    
17. K'awna (El huevo)
    
    
18. Punku (la puerta)
    
    
19. Riluj wik'uñanaka (las manesillas del reloj)
    
    
20. Qhunquta (guitarra)
    
    
21. Phutu (el retrato)
    
    
22. Aruma (la noche)
    
    
23. Awyuna (el avión)
    
    
24. Ajusa (el ajo)
    
    
25. Papila (la hoja de papel)
    
    
26. Lamar quta. (la mar)
    
    
27. Samka. (el sueño)
    
    
28. Kunkaru chinuña (la corbata)
    
    
29. Kayunaka (Los dos pies)
    
    
30. Ch'iñi (El murciélago)
    
    
31. K'uti (La pulga)
    
    
32. Amka, Ch'uqi (La papa)
    
    
33. Turumpu (el trompo)
    
    
34. Ch'iwi (La sombra)
    
    
35. Uma (El agua)
    
    
36. Quqa (El árbol)
    
    
37. Tiriku, tiriju (El trigo)
    
    
38. Wayk'a (El ají)
    
    
39. Wiskha (la soga)
    
    
40. Turasnu (el durazno)
    
    
41. Laranja (la naranja)
    
    
42. Ampara luk'ananaka (los dedos de la mano)
    
    
43. Ch'iwi (la sombra)
    
    
44. Jaqi: wawakasa, jaqiptata, awkiptata.
    
    
45. Piluta (la pelota)
    
    
46. Samana (el aire)
    
    
47. Aqunaka laxrampi (los dientes y la lengua)
    
    
48. Chhullunkiya (el hielo)
    
    
49. Nayranaka (los ojos)
    
    
50. Kurmi (el arco iris)
    
    
51. Mamuraya uta (la colmena)
    
    
52. Ch'iwi (la sombra)
    
    
53. Wiskha (la soga)
    
    
54. Kalaw sapatu (los clavos de los zapatos)
    
    
55. Jawira (el río)
    
    
56. Wiskha (el lazo)
    
    
57. Ni kuna (la nada)
    
    
58. Qhulu wutasa (las botas)
    
    
59. K'uti (la pulga)
    
    
60. Tiriku, tiriju (trigo)